Description

RUGBY - Saterdagmiddag het Mamre met een doel voor die oë op die A-veld gedraf toe hulle met Ashton United swaarde gekruis het: hulle wou wen.

Die span van Ronald Sambaba was in ’n vegtersgees en met rustud het hulle met 17-10 voorgeloop.Alhoewel dit ’n klipharde stryd was, was die sportmansgees uitstekend.

Met die hervatting van die tweede helfte was die verdedigingslinies van albei spanne uit die boonste rakke.

Puntemakers: Mamre se drieë kom van Divan van Niekerk en Angelo van Niekerk, met 2 doelskoppe en 2 strafdoele deur Brynn Gericke, asook ’n skepdoel deur Angelo van Niekerk.

Ashton United se drieë kom van William September en Lorenzo Baartman, asook ’n strafdoel en ’n doelskop: deur Ruben Rhoda.